دیکھنا کتنا ہے رتبہ محترم عباس ؑ کا
| معلومات | |
|---|---|
| شاعر کا نام | محسن نقوی |
| قالب | سلام |
| وزن | فاعلاتن فاعلاتن فاعلاتن فاعلن |
| موضوع | حضرت عباس علمدار ؑ |
| زبان | اردو |
| تعداد بند | 9 بند |
دیکھنا کتنا ہے رتبہ محترم عباس ؑ کا حماد اہل بیت ؑ سید محسن نقوی کا لکھا ہوا سلام ہے۔
تعارف
سلام کے ان اشعار میں علمدارِ لشکر حسینی ؑ جناب ابو الفضل العباس ؑ کی عظمت، وفاداری اور راہِ حسینی ؑ میں ان کی قربانی کو خراج عقیدت پیش کیا گیا ہے۔
مکمل کلام
| دیکھنا، کتنا ہے رُتبہ محترم عباس ؑ کا | عرش تک لہرایا جائے ہے علم عباس ؑ کا | |
| چودھویں معصوم ؑ کے رخشندہ چہرے کی قسم | چودھویں کا چاند ہے نقشِ قدم عباس ؑ کا | |
| ہوگئی محفوظ تاریخِ حسین ؑ ابن علی ؑ | کربلا میں جب ہوا بازو قلم عباس ؑ کا | |
| آسماں بہرِ زیارت جھک کے دیکھے گا تمہیں | روح میں تعمیر کر لینا حَرم عباس ؑ کا | |
| ساحلِ دریا کو فتح کرکے تشنہ لب رہا | سارے عالم کی وفا بھرتی ہے دم عباس ؑ کا | |
| اس لیے سینہ زنی کو "ہاتھ" اٹھتے ہیں سدا | ماتم شبیر ؑ میں شامل ہے غم عباس ؑ کا | |
| خود پیمبر ؐ دیں گے بخشش کی سند انعام میں ! | روز محشر جب کریں گے ذکر ہم عباس ؑ کا | |
| مرقدِ عباس ؑ ہو کیونکر نہ معراجِ شعور! | آسماں والوں سے کب رُتبہ ہے کم عباس ؑ کا | |
| بس یہی کچھ ہے متاعِ عاقبت محسن مجھے! | دل میں زہرا ؑ کی دعا، سر پر علم عباس ؑ کا[1] |
حوالہ جات
- ↑ محسن نقوی، فراتِ فکر: ص121
مآخذ
- محسن نقوی، میراثِ محسن، لاہور، ماورا پبلشرز، 2007ء.