لٹ کے آباد ہے اب تک جو وہ گھر کس کا ہے

لٹ کے آباد ہے اب تک جو وہ گھر کس کا ہے

معلومات
شاعر کا نام	محسن نقوی
قالب	سلام
وزن	فاعلاتن فعِلاتن فعِلاتن فِعلن
موضوع	امام حسین ؑ
زبان	اردو
تعداد بند	10 بند

لٹ کے آباد ہے اب تک جو وہ گھر کس کا ہے حماد اہل بیت ؑ سید محسن نقوی کا لکھا ہوا سلام عقیدت ہے۔

تعارف

سلام کے ان اشعار میں ظلم و جبر کے خلاف حضرت امام حسین ؑ کی جرات و استقامت کو خراج عقیدت پیش کرنے کے ساتھ ساتھ آپ ؑ کی سخاوت و مہربانی اور مؤرخین کی قلمی خیانت کے باوجود دنیا میں ذکرِ حسین ؑ کی جاودانی کا تذکرہ کیا گیا ہے۔

مکمل کلام

لٹ کے آباد ہےاب تک جو وہ گھر کس کا ہے؟		سب اونچا ہے جو کٹ کر بھی وہ سر کس کا ہے؟
ظلم شبیؑر کی ہیبت سے نہ لرزے کیونکر!		کس نبی کا ہے نواسہ یہ پسر کس کا ہے؟
جس کو دستک سے بھی پہلے ملے خیرات نجات		کاش سوچے کبھی دنیا کہ وہ در کس کا ہے؟
کس نے مقتل کی زمیں چھو کے معلیٰ کر دی؟		پوچھنا کرب وبلا سے یہ ہنر کس کا ہے؟
کس کی ہجرت کے تسلسل سے شریعت ہے رواں		قافلہ آج تلک شہر بدر کس کا ہے؟
تخت والوں نے مؤرخ بھی خریدے ہوں گے		ذکر دنیا میں مگر شام و سحر کس کا ہے؟
لاش اکبرؑ پہ قضا سوچ رہی ہے اب تک		جس میں ٹوٹی ہے یہ برچھی وہ جگر کس کا ہے؟
کون ہر شام غم شہؑ میں لہو روتا ہے؟		آسمانوں سے ادھر دیدۂ تر کس کا ہے؟
ہاتھ اٹھاتا ہوں تو ایوان ستم کانپتے ہیں		سوچتا ہوں میرے ماتم میں اثر کس کا ہے؟
جس کی حد ملتی ہے جنت کی حدوں سے محسنؔ		جز حسینؑ ابن علیؑ اور سفر کس کا ہے؟

مآخذ

• از ویڈیو محفل مسالمہ بمقام لاہور.