مولا نہیں ہے زیست کا یارا ترے بغیر
| معلومات | |
|---|---|
| شاعر کا نام | علامہ ذیشان حیدر جوادی |
| قالب | مخمس |
| وزن | مفعول فاعلاتُ مفاعیل فاعلن |
| موضوع | امام حسین ٔ |
| مناسبت | 13رجب |
| زبان | اردو |
مولا نہیں ہے زیست کا یارا ترے بغیر
یہ علامہ ذیشان حیدر جوادی کا مولائے کائنات امیرالمؤمنین علی ُ کی مدح میں لکھا ہوا قصیدہ ہے۔
تعارف
یہ قصیدے 7 بند پر مشتمل ہے اسمیں فضائلِ مولا علیُ کے مختلف نورانی گوشوں کی جانب عالمانہ انداز میں اجمالی طور پر اشارہ کیا گیا ہے، جیسے:خانہِ کعبہ میں آپ کی ولادت اور آپ کا مشکل کشائے انبیاء ُہونا۔۔۔
مکمل کلام
| مولا نہیں ہے زیست کا یارا ترے بغیر | ||
| کس طرح یو حیات گوارا ترے بغیر | ||
| جب ہم نے کوئی لمحہ گذارا ترے بغیر | ||
| پایا نہ کوئی ایک سہارا ترے ترے بغیر | ||
چمکے گا کیا نصیب کا تارا ترے بغیر | ||
| مالک نے تجھ کو صاحبِ عزت بنا دیا | ||
| تیرے ہر اک عمل کو شریعت بنا دیا | ||
| قرآں کو تیرے حسن کی صورت بنا دیا | ||
| قرآں کو تیری جائے ولادت بنادیا | ||
حق نے خود اپنا گھر نہ سنوارا ترے بغیر | ||
| مانا کہ حق سے مل گئی فردوس کی بہار | ||
| ہر ہر قدم ہ نعمتِ خالق کا تھا بہار | ||
| ہر ہر روز سے حسنِ حقیقت تھا آشکار | ||
| لیکن نہ کر سکے تری سیرت کو اختیار | ||
آدمُ کا ہو سکا نہ گذرا ترے بغیر | ||
| گو نوحُ کو دیئے تھے خدا نے بڑے کمال | ||
| تاثیر ان پہ کر سکے کتنے ماہ و سال | ||
| کر کے دعائے غرق،دکھا تو دیا جلال | ||
| طوفان میں بھی ان کو ترا ہی رہا خیال | ||
کشتی کو مل سکا نہ کنارہ ترے بغیر | ||
| اللہ رے وہ آتشِ نمرود کا خروش | ||
| ممکن نہ تھا کہ یو سکے شعلہ کوئی خموش | ||
| تیرا ہی تھا یہ فیض کہ ٹھنڈا ہوا وہ جوش | ||
| شعلوں میں بھی بجا تھا خلیل ِ کے ہوش | ||
ساکن ہوا نہ کوئی شرارہ ترے بغیر | ||
| موسیُ سے پوچھے کوئی تری بات اثر | ||
| لمحوں میں تو نے کر دیا عالم ادھر ادھر | ||
| ممکن نہ تھا کہ سانپ سے ہوتا نہ کوئی ڈر | ||
| اتنا سکون تھا تری امداد کا اثر | ||
اژدر بنا عصا نہ دربارہ ترے بغیر | ||
| یعقوبُ کو ملی ہے بصارت ترے سبب | ||
| یوسفُ رہے کنویں میں سلامت ترے سبب | ||
| دریا پہ خضرُ کی ہے حکومت ترے سبب | ||
| عیسیٰ کی آسمان پہ رفعت ترے سبب | ||
اُترا نہ ظلم و جور کا پارہ ترے بغیر | ||
| ظلم و ستم وجہِ تباہی تو ہی ہے | ||
| اسلام کا اکیلا سپاہی تو ہی ہے | ||
| کی جس نے دیں کی پشت پناہی تو ہی ہے | ||
| باقی ہے جس سے دینِ الٰہی تو ہی تو ہے | ||
خالق اپنا دین نہ اتارا ترے بغیر [1] | ||
حوالہ جات
- ↑ علامہ ذیشان حیدر جوادی ،سلامِ کلیم،ص 79 تا81
مآخذ
- علامہ ذیشان حیدر جوادی ،سلامِ کلیم،انڈیا(لکھنؤ),جنوری 1995ء۔