پھر نیا، سال نیا ماہِ محرم آیا

ٌپھر سال نیا ماہِ محرم آیا: یہ محترم ڈاکٹر خوشید رضوی کا لکھا ہوا "سلام" ہے

پھر نیا، سال نیا ماہِ محرم آیا

معلومات
شاعر کا نام	ڈاکٹر خورشید رضوی
قالب	سلام
وزن	فاعِلاتن فَعِلاتن فعِلاتن فِعْلن
موضوع	کربلا
مناسبت	محرم الحرام
زبان	اردو
تعداد بند	7 بند

تعارف

اس سلام میں عزادارِ امام حسین ع پر ماہِ محرم الحرام کے مترتب ہونے والے اثرات کو بیان کیا گیا ہے

مکمل کلام

پھر نیا سال،نیا ماہِ محرم آیا ​		​
کِھل اٹھے زخم،کسی یاد کا موسم آیا
آسمان اشک فشانی کو سیہ پوش ہوا ​		​
لالہ صحرا میں بچھانے صفِ ماتم آیا
یک بہ یک خونِ شہیداں سے زمیں سرخ ہوئی ​		​
پے بہ پے آنکھ میں،لے لے لے لہو،غم آیا
اے حسین ابن علی،تیری بسالت کو سلام ​		​
تجھ سا رزمِ حو و باطل میں کوئی کم آیا
دل سے تا چشمِ قلم رو ترے اندوہ کی ہے ​		​
درد آیا تو کبھی گریہؑ پیہم آہا
سو بہ سو آج بھی ہیں تیرے گھرانے کا غلام ​		​
جون آیا کبھی قنبر، کبھی میثم آیا
دل میں تسلیم ترے ذکر سے دائم مربوط ​		​
آنکھ میٰں اشک تری یاد کا توام آیا

حوالہ جات

نسبتیں،ص94 و 95۔

مآخذ

خورشید رضوی،نسبتیں،کراچی،انٹرنیشنل نعت مرکز،مئی 2015ؑ