جشنِ میلادِ بازوئے شبیر
جشنِ میلادِ بازوئے شبیر :شاعر اہل بیت ؑ جناب ساحر لکھنؤی کا لکھا ہوا قصیدہ ہے جو ان کی کتاب "صحیفۂ مدحت" میں "قلم" کے عنوان سے مرقوم ہے۔
| معلومات | |
|---|---|
| شاعر کا نام | ساحر لکھنوی |
| قالب | قصیدہ |
| وزن | فَاعِلاتن مفاعِلن فِعْلن |
| موضوع | حضرتِ عباسؑ علمدار |
| زبان | اردو |
تعارف:
اس کلام میں جناب ساحر لکھنوی نے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مکمل کلام:
| وقت فکر سخن دمِ تحریر | ||
| "والقلم"ہے مرا خطِ تقدیر | ||
| جہل کو یہ قلم نہیں دیتا | ||
| منشئ چرخ و کاتبِ تقدیر | ||
| اک قلم کلک دستِ قدرت کا | ||
| جس سے لکھا گیا خط ِتقدیر | ||
| اک قلم وہ کہ جس سے لکھتا ہے | ||
| رازِ علم و ادب فلم پہ دبیر | ||
| ایک وہ کلک زرنگار کہ ہے | ||
| کاتبانِ کتاب کی جاگیر | ||
| اک قلم مو،قلم کھنچے جس سے | ||
| ہر مصور کے ذہن کی تصویر | ||
| اک قلم جبرئیل کا شہپر | ||
| جو مجھے مل گیا دم تحریر | ||
| یہ قلم فوجِ فکر کا ہے عَلم | ||
| یہ قلم لشکرِ سخن کا امیر | ||
| یہ قلم بہر دشمنان خدا | ||
| نیزہ و تیر و خنجر و شمشیر | ||
| بانگ تسبیح قدس اسکی کشش | ||
| نغمہء حمد و نعت اس کی صریر | ||
| اس قلم سے بہار باغ سخن | ||
| جیسے بارش سے جاگ اٹھے کشمیر | ||
| دشت تخئیل پر یہ اکبر کرم | ||
| کشت قرطاس پر یہ اکبر مطیر | ||
| طائر ذہن کے لیے صیاد | ||
| پائے تخئیل کے لیے زنجیر | ||
| چہچہاتا ہے باغ مدحت میں | ||
| کھولتا ہے جو لب دم تحریر | ||
| اس کی نغمہء بزیر لب آواز | ||
| بلبل باغ منقبت کی صفیر | ||
| کعبہء فن میں ہو اذاں سحر | ||
| کھول کے پر یہ جب کہے تکبیر | ||
| ایک اس سے بھی وہ رفیع قلم | ||
| پر جبریل جس سے پست و حقیر | ||
| وہ قلم کلک نینوا جس سے | ||
| داستان وفا ہوئی تحریر | ||
| تھی جو منظور کاتب قدرت | ||
| لب دریا پہ عشق کی تحریر | ||
| دست عباس ہوگئے تھے قلم | ||
| اس قلم کی کہاں سے لاؤں نظیر | ||
| مجھ سے بے علم کا یہ عجز ہنر | ||
| مطلع نو پہ صاف ہے تحریر | ||
| وصف عباس اور مجھ سا حقیر | ||
| المدد المدد جناب امیر | ||
| کی ہے پانی پہ جو وفا تحریر | ||
| وہ تو پتھر کی بن گئی ہے لکیر | ||
| ساقیا دے وہ نسخہء اکسیر | ||
| بادۂ علقمہ بجائے غدیر | ||
| نہ میسر ہو جو حریفوں کو | ||
| با ہمہ زور و زر،بہ صرف ِکثیر | ||
| جس کو پینے کے عزم سے ہوجائے | ||
| ذہن و فکر دماغ کی تطہیر | ||
| وہ شجاعت اثَر پِلا جس سے | ||
| ہو قلم میرے ہاتھ میں شمشیر | ||
| ساقیا تجھ کو بھی مبارک ہو | ||
| "جشنِ میلادِ بازوئے شبّیر" | ||
| مدحِ عبّاس اور میں ساحر | ||
| اوج پر آج ہے مری تقدیر | ||
| اب اٹھائے ذرا قلم اپنا | ||
| میں زمیں پر ہوں اور فلک پہ دبیر | ||
| مدحِ عبّاس میں ہو مطلع ِ نو | ||
| بہ ز قند و نبات و شکّر شیر | ||
| دیکھ کر حسنِ بازوئے شبّیر | ||
| عالم کُن ہے عالم ِ تصویر | ||
| آج اُمُّ البنین نے پائی | ||
| آرزوؤں کے خواب کی تعبیر | ||
| دیکھ لو تیوروں سے ظاہر ہے | ||
| شیر اُمُّ البنین کی تاثیر | ||
| حرف حرف اعتماد کا قرآں | ||
| لفظ لفظ اعتبار کی تفسیر | ||
| ماں امینِ امانتِ زہراء | ||
| باپ مولائے کُل،نبی کے وزیر | ||
| ِ کے بھائی بہن حسینٔ و حسنٔ | ||
| ور کُلثوم و زینبِ دلگیر | ||
| جدِّ امجد ہیں وہ ابو طالب | ||
| دین و ایماں ہیں جن کے در کے فقیر | ||
| یہ جلال ان کا اور یہ انگڑائی | ||
| مہد میں دوسرے جنابِ امیرٔ | ||
| مُو بہ مُو حُسنِ حیدرِ کرّار | ||
| ہُو بہو شانِ شاہِ خیبرگیر | ||
| انگلیاں کہہ رہی ہیں جھولے میں | ||
| اژدرِ خسروی کو مہد میں چیر | ||
| چڑھتے دیکھیں گے چاند ہاشمٔ کا | ||
| اوجِ الفت پہ کیا جواں کیا پیر | ||
| حسن میں عشق میں وفا میں نہیں | ||
| کوئی یوسف بھی ان کا عشر ِ عشیر | ||
| حرص ِ مال و متاع سے آزاد | ||
| الفت ِ شاہِ کربلا کے اسیر | ||
| مرضئ حق سے یہ شبِ عاشور | ||
| مقصد ِشاہِ کربلا کے سفیر | ||
| گڑ گئی دشمنوں کے سینوں میں | ||
| ان کی چِتوَن کی ایک ایک لکیر | ||
| شاہِ مظلوم سے سکینہ تک | ||
| قُوّتِ قلبِ ہر صغیر و کبیر | ||
| بَبرِ حیدر،ہزبرِ دشتِ وغا | ||
| شیرِ اسلام،ضیغمِ شبّیر | ||
| بزم میں سبطِ مصطفی کے غلام | ||
| رزم میں ابنِ مصطفی کے مُشیر | ||
| نہروانِ فرات کے حیدر | ||
| قلعۂ کربلا کے خیبر گیر | ||
| دوش پر لشکر خدا کا عَلم | ||
| ڈاب میں ذوالفقار سی شمشیر | ||
| گرمئ جنگ تازیانۂ شوق | ||
| حکمِ شبیر پاؤں کی زنجیر | ||
| باوجود اس کے اس جری کے لئے | ||
| کھیل ہی تھی فرات کی تسخیر | ||
| مدحِ عبّاس کے لئے ساحر | ||
| سِحر و اعجاز ہیں قلم کے اسیر[1] |
حوالہ جات
- ↑ صحیفۂ مدحت،ساحر لکھنوی،ص281
مآخذ
ساحر لکھنوی،صحیفہِ مدحت،کراچی،پاکستان،آثار و افکار اکادمی،1997ء۔