دلیلِ بیعتِ فاسق روا رکھی گئی تھی
| معلومات | |
|---|---|
| شاعر کا نام | افتخار عارف |
| قالب | سلام |
| وزن | مفاعلین مفاعیلن مفاعیلن فعولن |
| موضوع | امام حسین ٔ |
| زبان | اردو |
دلیلِ بیعتِ فاسق روا رکھی گئی تھی : یہ جناب افتخار عارف کا لکھا ہوا سلام ہے.
تعارف
اس سلام میں واقعہؑ کربلا کے پس منظر کے ساتھ ساتھ آغازِ عزادارئ امام حسینٔ،زمین کربلا کی فضیلت،خوابِ حضرت ابراہیم خلیل و قربانئ امام حسین ٔ،حق و باطل کی جنگ اور خاکِ شفا کی تاثیر جیسے اہم موضوعات کی طرف نہایت دلنشین انداز میں اشارہ کیا گیا ہے۔
مکمل کلام
| دلیلِ بیعتِ فاسق روا رکھی گئی تھی | ||
| مدینے میں بنائے کربلا رکھی گئی تھی | ||
| حسین آغوشِ پیغبرؐ میں جب لائے گئے تھے | ||
| وہیں تہذیبِ بنیادِ عزا رکھی گئی تھی | ||
| حضورِ سرورِؐ کونین، جب محضر ہوا پیش | ||
| زمینِ کربلا سب سے جدا رکھی گئی تھی | ||
| منیٰ کا خواب پورا ہو رہا تھا کربلا میں | ||
| یہ قربانی اسی دن پر اٹھا رکھی گئی تھی | ||
| حسین "اُوفِ بعھدک"کہہ رہے تھے وقتِ آخر | ||
| کہیں میثاق میں شرطِ وفا رکھی گئی تھی | ||
| زمیں سے آسماں تک نور تھا، بس نور ہی نور | ||
| چراغوں کے مقابل جب ہوا رکھی گئی تھی | ||
| بہت مشکل مراحل آ پڑے تھے راستے میں | ||
| سو زادِ راہِ میں خاکِ شفا رکھی گئی تھی | [1] |
حوالہ جات
- ↑ فتخار عارف، باغِ گلُِ سُرخ،ص127
مآخذ
- افتخار عارف، باغِ گلُِ سُرخ، نئی دہلی، انجمن ترقئ ہند،2021 ء