"کرتا ہے یوں بیان سخن ران کربلا" کے نسخوں کے درمیان فرق
Nadim (تبادلۂ خیال | شراکتیں) («{{جعبه اطلاعات شعر | عنوان = | تصویر = | توضیح تصویر = | شاعر کا نام = میر تقی میر | قالب = رباعی | وزن = مفعول فاعلات مفاعیل فاعِلن | موضوع = واقعہ کربلا | مناسبت = | زبان = اردو | تعداد بند = 39 بند | منبع = }} '''کرتا ہے یوں بیان سخن رانِ کربلا:''' میر تق...» مواد پر مشتمل نیا صفحہ بنایا) |
(کوئی فرق نہیں)
|
نسخہ بمطابق 16:41، 5 نومبر 2023ء
| معلومات | |
|---|---|
| شاعر کا نام | میر تقی میر |
| قالب | رباعی |
| وزن | مفعول فاعلات مفاعیل فاعِلن |
| موضوع | واقعہ کربلا |
| زبان | اردو |
| تعداد بند | 39 بند |
کرتا ہے یوں بیان سخن رانِ کربلا: میر تقی میر دہلوی کا تصنیف کردہ مرثیہ ہے۔
تعارف
اس مرثیے میں حضرت امام حسین ؑ کی شہادت اور جناب سید سجادؑ سمیت حضرت زینب و ام کلثوم سلام اللہ علیہما کے بین کا تذکرہ ہے۔ ساتھ ساتھ اردو کے قدیم الفاظ قابل مشاہدہ ہیں۔
مکمل کلام
کرتا ہے یوں بیان سخن رانِ کربلا۔ 39 بند
| مصرع | ||
| مصرع | ||
| کرتا ہے یوں بیان سخن ران کربلا[1] | ||
| احوال زار شاہ شہیدان کربلا | ||
| باآنکہ تھا فرات پہ میدان کربلا | ||
| پیاسا ہوا ہلاک وہ مہمان کربلا | ||
| انصاف کی نہ ایک نے کی چشم نیم باز | ||
| کھولے ستم کے ہاتھ زبانیں کیاں دراز | ||
| قتل امام مقصد و تیاری نماز | ||
| بدتر تھے کافروں سے مسلمان کربلا | ||
| سیلاب تھا بلا کا ہر اک سمت گرم جوش | ||
| فریاد بیکساں کی طرف کم کسو کے گوش | ||
| آل نبی تمام ہوئی خوں سے سرخ پوش | ||
| صلوات بر حسین ؑو جوانان کربلا | ||
| انواع جور مدعی ایجاد کر گئے | ||
| تخت و کلاہ احمدیؐ برباد کر گئے | ||
| کیا تیرہ روز شامی بھی بیداد کر گئے | ||
| پایا زبون مور سلیمان کربلا | ||
| منصف تھے ہائے کتنے دروں تیرہ اہل شام | ||
| خوش تشنہ لب جنھوں نے کیا کشتن امام | ||
| فخر بشر کا نور دل و دیدہ تشنہ کام | ||
| سیراب وحش و طائر و حیوان کربلا | ||
| یارب نہ تھا سپہر پہ اس وقت کوئی بھی کیا | ||
| جب سر پہ اہل بیت کے تھی اس قدر جفا | ||
| ہوتا کوئی تو دیکھتا ہی سر کو تنک جھکا | ||
| تا لامکاں تھا شور غریبان کربلا | ||
| نوک سناں پہ رکھ کے چلے لے سر امام | ||
| ناموس کے جو لوگ تھے بندے ہوئے تمام | ||
| ٹکڑے جگر کے ہوتے تھے کرتا تھا جب کلام | ||
| بے خانماں وہ جمع پریشان کربلا | ||
| بیٹے بھتیجے اس کے جواں مارے سب پڑے | ||
| ہو ٹکڑے ٹکڑے سامنے بیکس بہت لڑے | ||
| فرصت نہ اتنی دی کہ کوئی خاک میں گڑے | ||
| پوشیدہ کیا ہے ظلم نمایان کربلا | ||
| سر اس کا کٹ کے نیزے پہ جس دم رکھا گیا | ||
| لو بیڑہ پانی چڑھ کے جیوں کو ڈبا گیا | ||
| ہرچند بوند پانی کی کوئی نہ پا گیا | ||
| لیکن خدا کا قہر تھا طوفان کربلا | ||
| تھی عابدیں کے لب پہ شکایت یہ خونچکاں | ||
| کاے چرخ آہ کیونکہ نبھے گا یہ کارواں | ||
| یہ سب ہیں زیربار الم میں ہوں ناتواں | ||
| طے کس طرح سے کریے بیابان کربلا | ||
| مشفق پدر تو رخت سفر کر گیا ہے بار | ||
| بھائی کو اس سے آگے ہی تھی دشمنوں کی مار | ||
| ہوں میں برہنہ پا سو مرض سے نحیف و زار | ||
| پھر ہر قدم پہ خار مغیلان کربلا | ||
| ہے تودہ تودہ لاشوں پہ جن کی یہ خاک دھول | ||
| سب یہ شگفتہ رو تھے نگاہوں میں جیسے پھول | ||
| منھ دیکھ ان کے کہتے تھے صلواۃ بر رسولؐ | ||
| گلزار تھی یہ وادئ ویران کربلا | ||
| اب سب ہی خاک و خون میں وہی ہیں اٹے پڑے | ||
| اشجار و نونہال ہیں سارے کٹے پڑے | ||
| دل ہیں فگار سینے ہیں سب کے پھٹے پڑے | ||
| مسلخ [2]سے کم نہیں یہ گلستان کربلا | ||
| جل جل کے ایک ایک سے اس کا تھا یہ خطاب | ||
| کاے قوم بس بہت ہوئے اب کم کرو عذاب | ||
| پہلو سے میرے ہے جگر دشت بھی کباب | ||
| رکھ ہاتھ دیکھ سینۂ بریان کربلا | ||
| یہ آگے جانتے نہ تھے دیکھیں گے یہ ستم | ||
| خون پدر گرے گا زمیں پر کریں گے دم | ||
| اندوہ و درد و رنج و الم اب ہے اور ہم | ||
| خرد و کلاں ہیں کشتۂ احسان کربلا | ||
| موقوف غم نہ ہوگا یہ جب تک کہ ہوں گا میں | ||
| مدت تلک مصیبتیں اپنی کہوں گا میں | ||
| جیتا رہوں گا جب تئیں روتا رہوں گا میں | ||
| اب تھم چکے یہ دیدۂ گریان کربلا | ||
| زینبؑ کے لب سے حرف نکلتے تھے شکوہ ناک | ||
| آشفتہ مو وہ سر پہ کھڑی ڈالتی تھی خاک | ||
| کہتی تھی تا سپہر مگر اے خدائے پاک | ||
| جاتے نہیں یہ نالہ و افغان کربلا | ||
| شاید غبار رکھتی ہیں چشمان مہر و ماہ | ||
| احوال پر ہمارے نہیں مطلقاً نگاہ | ||
| پردہ رہے جو گر پڑے گردونِ روسیاہ | ||
| ہیں سربرہنہ خاک نشینان کربلا | ||
| باد شمال[3] ظلم ادھر کو جو آگئی | ||
| ایک ایک کرکے دین کی شمعیں بجھا گئی | ||
| دل داغ سارے کر گئی سینے جلا گئی | ||
| سب اڑ گئی وہ خوبی ایوان کربلا | ||
| پیٹے ہیں ہم حسین ؑکو جو کھول کھول بال | ||
| کیا خاطروں سے جاتے رہیں گے ہمارے حال | ||
| اشجار بید کے جو ہیں سو سالہاے سال | ||
| دیویں گے یاد یہ سر عریان کربلا | ||
| کرتے جو نوحہ لاشوں پہ ہم جمع آ ہوئے | ||
| آنکھوں سے دل کے ٹکڑے گرے بال وا ہوئے | ||
| بے جا ہمارے شور سے وحشی بجا ہوئے | ||
| دیواں ہوا ہے حشر کا دیوان کربلا | ||
| اس لوٹے کاروان کا دیکھے کوئی گذار | ||
| یہ سانحہ ہوا ہے زمانے کا یادگار | ||
| عترت نبیؐ کی اونٹوں پہ ہے ننگے سر سوار | ||
| سجادِؑ نالہ کش ہے حدی خوان کربلا | ||
| وارث[4] کے پیچھے جانیں گئیں وسوسوں سے ہائے | ||
| کیا طرحیں چرخ کرتے ہیں ہم بیکسوں سے ہائے | ||
| کیسی کمی اٹھائی ہے ہم نے خسوں سے ہائے | ||
| کس سے کہیں یہ درد فراوان کربلا | ||
| ناگہ نگہ جو لاش پہ قاسمؑ کی جا پڑی | ||
| ساعت وہ گزری اہل حرم پر بہت کڑی | ||
| ماں اس کی سر کو پیٹے کہے تھی یہی کھڑی | ||
| ہے دیدنی یہ نوشہ بے جان کربلا | ||
| چن چن کے دشمنوں نے عزیزوں کے کاٹے سر | ||
| مارا پڑا رئیس تلف ہوگئے پسر | ||
| سر پر نہ عورتوں کے ردا تھی نہ ان کو گھر | ||
| آئی نہ کام ہمت مردان کربلا | ||
| آیا جو شاہ یاں تو یہیں کا یہیں رہا | ||
| انواع جور و ظلم و ستم جان پر سہا | ||
| آخر کو خون اس کا یہیں خاک پر بہا | ||
| نکلا نہ پھر وہ یوسف زندان کربلا | ||
| آنکھوں کو جس کی رہ میں بچھایا کیے ہیں ہم | ||
| منت سے جس کے ناز اٹھایا کیے ہیں ہم | ||
| مسند پہ ناز کی سے بٹھایا کیے ہیں ہم | ||
| سو خاک میں پڑا ہے وہ سلطان کربلا | ||
| یہ مردمی تو دیکھو کہ دریا بہا کیا | ||
| خیمہ کنارے پر کھڑا اس کا رہا کیا | ||
| شہ بہرِ طفل پانی ہی پانی کہا کیا | ||
| پیاسا موا ندان وہ نادان کربلا | ||
| بالفرض دشمنوں نے نہ کی اس طرف نظر | ||
| کینہ سے ہونٹ سوکھے ہمارے نہ چاہے تر | ||
| اک ابر بھی نہ آن کے برسا تنک ادھر | ||
| تا آسماں تھی شورش عطشان کربلا | ||
| کلثومؑ یوں تھی لاش پہ بھائی کی حرف زن | ||
| سر کیا ہوا کہ خاک میں پامال ہے بدن | ||
| پھر وجہ کیا کہ اب نہیں ملتا تجھے کفن | ||
| اے بادشاہ بے سر و سامان کربلا | ||
| ہم کچھ کریں جو فکر سو قدرت نہیں ہمیں | ||
| ماتم میں تیرے بیٹھیں سو فرصت نہیں ہمیں | ||
| میت کی رسمیں کرتے سو مہلت نہیں ہمیں | ||
| رسوائی کر رہے ہیں نگہبان کربلا | ||
| مہمانی ہم مسافروں کی کیا رہی ہے یاں | ||
| لخت دل و جگر تھے جو مارے پڑے جواں | ||
| جانا نہ ہم نے یاں کا دم آب و پارہ ناں | ||
| دیکھی سو اب یہ نعمت الوان کربلا | ||
| اس [5]خاک پر اترتے نہ فرصت تجھے رہی | ||
| درپیش ہر قدم پہ قیامت تجھے رہی | ||
| بے دینوں سے یہاں کے کدورت تجھے رہی | ||
| شائستگی مگر نہ تھی شایان کربلا | ||
| ہوئے خوشی کسو کو تو ہوئے شگفتہ رو | ||
| شادی ہو جان کو تو کرے ہنس کے گفتگو | ||
| تھی رونے کی جگہ کہ بخود ہم نہ تھے نہ تو | ||
| لب ہاے زخم تھے لب خندان کربلا | ||
| ہفتم سے آب و دانہ کا قدغن[6] ہوا تھا یاں | ||
| جز ذکر تیغ تیز کچھ آیا نہ درمیاں | ||
| سادات کشتہ جانتے ہیں یا انھوں کی جاں | ||
| جو دیکھ کر موئے ہیں یہ حرمان کربلا | ||
| کروبیوں[7] کے گوش مگر کر تھے اس گھڑی | ||
| جس وقت کشت و خون کی یاں دھوم تھی پڑی | ||
| صف عورتوں کی لاشوں پہ چلاتی تھی کھڑی | ||
| محشر پہ بر تھا ہر دل نالان کربلا | ||
| یاں [8]سے نہیں چلے ہیں ہم ایسے ہو پائمال | ||
| جو خاطروں سے اپنے فراموش ہو یہ حال | ||
| اب جاچکی دلوں سے یہ حیرانی و ملال | ||
| رہیے گا زندگی تئیں حیران کربلا | ||
| القصہ پیٹ روکے گئے آگے وے اسیر | ||
| دل چاک سر میں خاک جواں اور خرد و پیر | ||
| بس تو بھی اپنے ہاتھ سے رکھ کر قلم کو میرؔ | ||
| کہہ باد سے کہ ہوئے گل افشان کربلا | ||
| بعد از نماز و سجدہ کرے در پہ التماس | ||
| کاے شاہ بندہ پرور و قدر گداشناس | ||
| مقصود میرؔ یہ ہے کہ اب ترک کر لباس | ||
| چوں زائران چاک گریبان کربلا | ||
| ہندوستاں سے قطرہ زن آوے چلا ہوا | ||
| مانند ابر چند پھرے دل بھرا ہوا | ||
| تو ملتفت ہوا کہ یہ مطلب روا ہوا | ||
| دیوے گا پھر نہ ہاتھ سے دامان کربلا[9] |
حوالہ جات
- ↑ یہ مرثیہ"اردو" 1931ء اور "نیرنگ" تنقید نمبر 1929ء میں با استثناء چند بندوں کے شائع ہو چکا ہے۔
- ↑ جہاں جانور ذبح کئے جاتے ہیں
- ↑ یہ مرثیہ رسالہ"اردو" میں چھپ چکا ہے ، لیکن اُس میں یہ بند شامل نہیں
- ↑ "اردو" میں یہ بند نہیں ہے
- ↑ یہ بند بھی"اردو" میں نہیں
- ↑ ممانعت، پابندی
- ↑ یہ بند نہ "اردو" میں ہے نہ "نیرنگ" رام پور میں۔
- ↑ یہ بند "اردو" میں شامل نہیں۔
- ↑ سید مسیح الزماں، مراثی میر: اکیسواں مرثیہ، ص148
مآخذ
- سید مسیح الزماں، مراثی میر، لکھنؤ، انجمن محافظ اردو ، 1951ء.