کیا خاک وہ ڈریں گے لحد کے حساب سے

کیا خاک وہ ڈریں گے لحد کے حساب سے

معلومات
شاعر کا نام	محسن نقوی
قالب	سلام
وزن	مفعول فاعلات مفاعیل فاعلن
موضوع	ولائے آل نبیؐ
زبان	اردو
تعداد بند	8 بند

کیا خاک وہ ڈریں گے لحد کے حساب سے؟: حماد اہل بیت ؑ سید محسن نقوی کا لکھا ہوا سلام ہے۔

تعارف

اس سلام میں حضرت علی ؑ سے منسوب ہونے کے فوائد اور مجموعی طور پر ولائے آل نبی ؐ کے فائدے کا تذکرہ کیا گیا ہے۔

مکمل کلام

کیا خاک وہ ڈریں گے لحد کے حساب سے؟		منسوب ہیں جو خاکِ رہِ بوتراب ؑ سے
مشکل کشا ہیں پاس، فرشتو ادب کرو		مشکل میں ڈال دوں گا سوال و جواب سے
خیبر میں دیکھنا یہ ہے جبریل یا اجل؟		لپٹا ہوا ہے کون علی ؑ کی رکاب سے
پہلے یہ ضد تھی خواب میں دیکھیں گے خلد کو		اب ضد یہ ہے کہ خلد میں جاگیں گے خواب سے
جیسے چنا علی کونبی ؐ نے غدیر میں		ہر انتخاب سیکھ لو اس انتخاب سے
جو "یا علی ؑ مدد" کو گنہ کہہ کے چڑ گئے!!		واقف نہیں وہ میرے گنہ کے ثواب سے
اب تک شباب کا نہیں دنیا کو اعتبار		روٹھے کچھ اس طرح علی اکبر ؑ شباب سے
محسن ولائے آل نبی ؐ کا صلہ ہے خلد		میں نے یہی پڑھا ہے خدا کی کتاب سے

مآخذ

• محسن نقوی، میراثِ محسن، لاہور، ماورا پبلشرز، ۲۰۰۷م.