سرمایۂ دیں، دولتِ احساس ہے اصغر ؑ

سرمایۂ دیں، دولتِ احساس ہے اصغر ؑ

معلومات
شاعر کا نام	محسن نقوی
قالب	سلام
وزن	مفعول مفاعیل مفاعیل فعُولن
موضوع	حضرت علی اصغر ؑ
زبان	اردو
تعداد بند	6 بند

سرمایۂ دیں، دولتِ احساس ہے اصغر ؑ حماد اہل بیت ؑ سید محسن نقوی کا ایک سلامِ عقیدت ہے۔

تعارف

پیش نظر سلام میں سید محسن نقوی نے کربلا کے ننھے شہید جناب علی اصغر ؑ کو سرمایۂ دیں اور دولتِ احساس جیسے اوصاف سے موصوف کیا ہے اور امام حسین ؑ کو مصائب کا ایک عظیم صحیفہ قرار دیتے ہوئے اس کی ابتدا کا نام "سکینہ ؑ" اور اختتام کو "اصغر ؑ " نام رکھا ہے۔

مکمل کلام

سرمایۂ دیں، دولتِ احساس ہے اصغر ؑ		ہم نامِ علی ؑ جرءات عباس ؑ ہے اصغر ؑ
شبیر ؑ وہ قرآنِ مصائب ہے کہ اس میں		"الحمد" سکینہ ؑ ہے تو "والنّاس" ہے اصغر ؑ
نیند آہی گئی ہے تو اسے اب نہ جگانا		اے شامِ غریباں بڑا حسّاس ہے اصغر ؑ
ممکن ہو تو محشر میں بھی لب چوم لے اِس کے		اے کوثر و تسنیم، تِری پیاس ہے اصغر ؑ
زنداں میں رباب ؑ اب بھی بدلتی نہیں کروٹ		وہ اب بھی سمجھتی ہے ، مِرے پاس ہے اصغر ؑ
اعداء کے مقابل کوئی دیکھے اسے محسن		اسلام کے جذبات کا عکاس ہے اصغر ؑ

مآخذ

• محسن نقوی، میراثِ محسن، لاہور، ماورا پبلشرز، ۲۰۰۷م.